منتدى للبنات فقط
 
الرئيسيةÇ&aacuteمكتبة الصورس .و .جالتسجيلدخول

شاطر | 
 

 الشباب بين ايد المقشة وابتساامة

اذهب الى الأسفل 
كاتب الموضوعرسالة
sweet girl 1
Admin
avatar

عدد الرسائل : 225
العمر : 29
اعلام الدول :
مزاج العضو :
تاريخ التسجيل : 06/07/2008

مُساهمةموضوع: الشباب بين ايد المقشة وابتساامة   الأحد يوليو 13, 2008 10:21 pm

اسمعو يا جماعة بسراحه كده انا في موضوع في بالي بقالو فتره عوزه انزله بس مكنتش عرفه ابدأ ازاي والنهرده عوزه اناقشكم فيه

الموضوع عن نظرة الشباب للبنت:

بسراحه كده لحظت ان في شباب وبنات "مع احترامي للجميع طبعاً" بيتمادو مع بعض في الكلام سواء بهزار او بجد وده موضوع خطير ومهم جداً

طبعاً في النهايه الكل بيقول" احنا اخوات ومفيش مشكله" بس عندي سؤال واحد

تفتكري ان الشاب الي بيتمادى معاكي في الكلام او التصرف وانتي سكتاله ممكن يكون بيحترمك؟؟

قبل ما حد يجاوب انا هذكر موقف حصل معايا شخصيا وألمني جداًمن اعماق قلبي
مرة دخلت الشات"ايام الجاهليه"حصل موقف جرحني من اعماقي مع ان مكنش ليه دخل بالموضوع بس كان مؤلم فعلاً

ال حصل هو اني دخلت الشات "دخلت على اني واحد" حبيت اعرف الناس دول بيفكرو ازاي وايه نظمهم بالضبط
تعرفوو لقيت ايه؟
لقيت بنت بتكلم شباب وفجأة وصفوها واوصاف فظيعه"تمس العرض"-على انه هزار طبعاً-
انا انصدمت سكت دقيقه حبيت اشوف ردت فعل البنت "يعني هتسكت ,هتقول احترم نفسك, هتطلع,"عرفين عملت ايه؟

بكل بجاحه كملت الكلام والهزار معاهم ولاكأن شيء حصل"تخيلو لاي درجه امتهان؟!!"
مقدرتش اسكت عتبتها في وشهم وقلتلها انتي معندكيش حياء متجرئتشي تقولي كلمة وحده

بس شاب من ال كانو بيكلموها حب يصلح الموقف فقالك"احنا اخوات بنهزر مع بعض"
قلتله انت ممكن تقول لاختك كده رد عليه "لاء بس هي الي رضيت لنفسها كده اعملها ايه؟"
رد واحد تاني وقالي بكل سراحه في وشها:"انا لو اختي كده كنت ضربتها بالرصاص"
قال الكلام ده في وشها وبكل وضوح

يعني بمعنى اصح مفيش حاجه اسمها" احنا اخوات وبنهزر مع بعض من اصله"
في شيء اسمه" حدووووووووووووووود" يا جماعة والمشاعر والهزار متحلش الحدود دي ابداً لان مشعري شيء والحدود المفروضه عليا شيء تاني خالص

او لما وحده تكون مشيه في الشارع ويعكسها شاب وتفرح"مش عرفه على ايه بالضبط"

تعرفوا انا قرأت ايه :قرأت ان شاب من بتوع البنات دول بيعترف بلسانه وبيقول:"انا لو ماشي في الشارع وشفت وحده من بتوع حركات لفت النظر او البس ال "حلته لله" دي مشيه في الشارع بسهوله جدا هروح واعكسها وببصلها نظرة احتقارفي قلبي انما لو لقيت وحده محترمة في لبسها وتصرفتها مستحيل اروح اكلمها بل اني لو لقيت واحد بيحاول يكلمها هروح بنفسي واتخانق معاه"
فشوفي أي نظرة بيبصولك يا بنت
لانه لو بيحترمك مستحيل يتجرئ يوجه كلمه ليكي
معظم البنات للأسف بتقول انا لما اطلع في الشارع لبسه ضيق وحاطه مكياج ومعطره نفسي "ريحت العطر تتشم من على بعد ميل" ابقى كده بظهر جمالي وأنثتي
وانا بقلك "والله ما جمالك وأنثتك غير في عفتك وغلاكي وصونك لنفسك"
هينوبك ايه من ان واحد يرمي عليكي كلام ولا يبصلك نظرة مش قد كده يعني في النهايه مش هيروح يطلب ايدك يعني "فمفيش فيده من الموضوع صوني نفسك احسن لك واحسن لهم" لانه لو بيحترمك مستحيل يتعدى عليكي بكلام
بعض البنات" للأسف "رغبتهم في انهم يسمعو كلام معسول ملهوش اساس من اصله بتعميهم عن الحقيقه
حقيقه ان الشاب ال بيتمادى مع بنت في كلامه او تصرفاته وحركات"يا جميل وعيونك مش عارفه ايه"مضمون كلامه وتصرفاته مش اكتر من رساله بيوصلها ليكي مضمنها"انا مبحترمكيش انتي مش اكتر من مجرد "......."في عيني
لدرجة ان وحده زميله ليه في المدرسه جات تقلي "أنا لو واحد جه وقالي يا جميل او كلمه من الكلام ده ان هموووووت فيه حتى لو عرفه انه بيكذب عليه "
فتخيلو أي عقليه بسيطه دي واي نظرة سطحيه للامور ال انتشرت بين الناس
اوعي تسمحي لشاب يتعدى عليكي بكلام او بيغيره حتى لو بسيط لان كلمه من هنا وكلمه من هناك هتلقيكي "ملطشه"بالنسباله اعملي زي خلتك "ربعه وعمتك بتعه"واقفلهم بايد المقشه والطاسه"
حطي حدود واوعي ترضي ان حد يتعداها معاكي مهما يكن اقلها لو انتي مش مكسوفه من ال بيقلهولك لو مش جرحك كلامه يبقى عشان متبقيش "رخيصه"في عينه لانه مش ممكن يحترمك ويتعدى حدوده معاكي في وقت واحد !!
ولو حصل وواحد خلاكي مشيه في الشارع وقلك كلمه اوعي تلتفتي له والكلام اياه بتا"هلم عليك الشارع ده انسيه"لانه بيفهمه على انه امتداد للموضوع مش اكتر وان الموضوع حلو على قلبك
بكل بساطه" اتجهليه " وكملي طريقك ويريت مفيش وحده تمشي بدون اهلها او اخوها او امها في الشارع عشان تقي نفسها المواقف السخيفه دي
واياني واياكي لو غلط تردي عليه لانه هيزود ويتمادي وتبقي انتي الجنيتي على نفسك مترديش وبس
سعتها هيحترم نفسه ويسكت
"فارجوكم يا جماعه بلاش حد في المنتدى او غيره يتمادى في الكلام مع الطرف الاخر لان بجد شكلها مش حلو ابد لما تتمادى مع غيرك
واحب اقول للبنات أن شباب العالم كلهم بيتفقو على حاجه وحده مشتركه بنهم

"
أن تكون المرأة شوكة صامدة خير من أن تكون وردة ساقطة"

واتحدى أي شاب يقول العكس لان هيحط نفسه بين امرين لاثالث لهم "أما كاذب واما ديوث

وفي النهايه ارجو اني مكنش طولت عليكم او وجعت رسكم بكلامي

بس والله لان الموضوع مهم بجد


مع خالص احترامي للجميع

_________________
               


قمة الحب أن يجبرك الصمت على الكلام فيعجز الكلام عن التعبير فتصمت !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bnootawbs.ba7r.org
 
الشباب بين ايد المقشة وابتساامة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنوته وبس :: بنوته المنتدى العام :: بنوتة للقضايا الشبابية-
انتقل الى: